arrevoire

¿A quen non lle gusta a Premier? Nunca foi unha liga de técnica ni de exquisiteces, máis ben foi sempre a liga do “pelotazo” e da forza bruta, fronte a técnica (de cando en vez) e furia da liga española e a altísima competividade i extremo rigor táctico do Calcio.

Pero iso sí, sempre engaiolou os afeccionados ó fútbol polo excepcional ambiente que normalmente presentan os seus estadios, convertidos en auténticos templos do fútbol mundial: Anfield, Highbury, Old Traford, etc.

Pero algo está a cambiar nos últimos tempos.

Xente de Rusia, de Estados Unidos, de Asia, etc. está a traer cartos frescos para este rincón de Europa facendo da Premier, a Liga que máis investiu en reforzarse.

O Liverpool fichou a estrela mediática dos xornais madrileños, Torres, por 39 millóns de Euros. O Manchester United pagou 25 millóns polo brasileiro do Porto Andersson e outros tantos polo inglés Hargreaves. Estes foron un pequeno exemplo do habitual nos últimos anos la liga inglesa.

Pola contra, o Chelsea de Mourinho sorprendeu polo pouco gastado en comparación cos outros anos. Parece que desta vez, tocou vender mellor que mercar. Din os rumores interesados que esta razón no descenso da inversión débese a mala relación de Abramovich co técnico portugués. Dise que Mourinho ten os días contados en Londres e que por iso o seu xefe non quere gastarse unha libra máis nos caprichos do seu adestrador.

E por dicir algo, non vaia ser que se fale de fútbol inglés e non mencionemos ó "Rei Midas" David Beckham, que da igual onde xogue, Manchester, Madrid ou Los Angeles, segue a ser unha máquina de facer cartos.

Ademais, este ano estamos de sorte, a Premier xa non é únicamente para os que queiran pagar televisión para vela, este ano a temos na televisión española.

¿Tedes algún pronóstico?[+/-] Seguir Lendo..